Доналд Туск ја предупредува Британија против сценарио „Брегзит без договор“
Претседателот на Европскиот совет Доналд Туск ја предупреди Велика Британија дека заканите за сценариото за „Брегзит без постигнување договор“ со ЕУ, нема да ја исплаши Унијата.
- Ваквото сценарио би било лошо за сите, но тоа пред се е лошо за самата Британија, изјави Туск, сугерирајќи дека целта е во преговорите да се спроведе „мазен развод“ меѓу Лондон и Брисел, како меѓу двајца „добри пријатели“.
Изјавата на Туск пред пратенците во Европскиот Парламент е реакција на интервјуто на британскиот министер за надворешни работи Борис Џонсон за Би-Би-Си во кое рече дека Британија и нејзнината економија се толку силни, што на земјата ништо нема да и фали и ако излезе од ЕУ, без да постигне договор за Брегзит.
Претходно, со сличен тон зборуваше и министерот за Брегзит, Дејвид Дејвис, и обајцата предводници на кампањата за напуштање Унијата.
Според Туск, ЕУ внимателно се подготвува за Брегзит, за да биде спроведен на конструктивен начин, но и предупредува на штетата што може да ја направат изјави за сценарија, според кои излегување „без договор„ е добро за Британија, а лошо за ЕУ.
Реакцијата на Туск доаѓа откако двата дома на британскиот Парламент го усвоија законот за Брегзит, по долга дебата и спротивставени гледања за конечниот текс на законот.
Сега останува премиерот Тереза Меј да одлучи кога ќе го покрене членот 50 од Лисабонската спогодба, за почнување на процесот на излегување од ЕУ.
Претходно, медиумите блиски до антиевропската кампања и до владеачката Конзервативна партија, навестуваа покренувањето на Брегзит на 15 март, но Даунинг стрит 10 соопшти дека, процесот ке почне на крајот од овој месец, како што тоа и претходно беше навестено.
Лондонски „Сан“ сега тврди дека процесот ќе почне на 27 март, два дена по специјалниот Самит на Унијата, псветен на прославувањето на 60 годишнината од создавањето на Европската економска заедница (ЕЕЗ) која е основата на денешната ЕУ.
Ново на Сител
-
Путин: Американските санкции нема значително да влијаат врз руската економија
-
Колку и да си популарен остани си човек | Боби Павловски | ПРОфесија | Sitel Podcast 120
-
Милосим Војнески се повлекува од изборната трка за градоначалник на Македонски Брод
-
Кривичен одреди притвор и куќен притвор за осомничените за лихварство и перење пари
-
На Табановце и Блаце за влез и излез од државава се чека до 40 минути
-
Мицкоски: Нема предвремени избори, време е за голема офанзива на секој план, народот сака подобар стандард
-
ДИК ги одби сите 57 приговори за првиот круг од локалните избори
-
Мицкоски: Да излеземе масовно на 2 ноември и да го заокружиме бројот 9 за развој и напредок