Доминација на Кенијците на „Скопје Виз Ер 2016“

На патеката низ улиците на Скопје  42.195 метри, Кипротич  истрча за 2:13:22,3 часа, а зад него се пласираа уште четворица негови сонародници: Ричард Кипроно Бет, Едвин Кипруто Кирва, Силас Кипрон То и Виклиф Кипкорир Бивот. Сите тие беа на растојание од околу шест минути.

 

Од македонските натпреварувачи, најдобар беше Александар Кираџиев кој го освои седмото место со време од 2:45:54,5, а веднаш зад него пристигнаа Ристе Лазаров и Муџаид Мислимовски.

 

Во женска конкуренција, Бивот ја истрча патеката за време од 2:40:53,7, околу 5,5 минути побрзо од второпласираната Шеваје Гемечу Дебелу од Етиопија. И тука, најбрзата Македонка беше седмопласираната Весна Кираџиева која заврши за 3:22:38,8 часа.