-->
-->
Доминација на „гигантите“ во Примера
-->
Водечките три екипи во шпанската Примера (Атлетико, Барселона и Реал), забележаа убедливи победи во рамките на 20.коло, по кое лидер ќе остане Атлетико со 47 бодови, два повеќе и натпревар повеќе од Барселона, додека Реал е трет со 43 бода.
Атлетико, како гостин на Канарските острови, славеше над Лас Палмас со 3:0. Блескаа на овој меч двојниот стрелец Гризман и голманот Облак, кој одбрани неколку добри удари на домашните фудбалери.
Покрај Гризман кој постигна голови во 68. и 89.минута, стрелец беше и Фелипе Луис, кој во 18.минута го постигна првиот гол.
Барселона, со трите гола на Луис Суарез го декласира Атлетик Билбао со 6:0. Мечот на „Ноу Камп“ практично беше решен во четвртата минута, кога голманот на Атлетик, Ираизоз доби директен црвен картон, а Барселона доби пенал кој во гол го претвори Меси.
По Меси меѓу стрелците се запишаа Нејмар и Ракитиќ, а последните три гола ги постигна Луис Суарез.
Висока победа забележаа и фудбалерите на Реал, кои со 5:1 ја совладаа Гранада. Целата неизвесност околу победникот на „Сантијаго Бернабеу“ беше решена за само пет минути, кога од седмата до 12-та минута голови за Реал постигнаа Бејл, Роналдо и Бензема.
До крајот на мечот уште по еден гол постигнаа Роналдо и Брнзема, а честа на гостите ја спаси Лопес.
-->
-->
-->
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции