ДОМ: Одложување на изборите во интерес на здравјето на граѓаните
Зелената партија ДОМ апелира до сите политички субјекти, во овој период на сериозни предизвици поради пандемијата на коронавирусот, да го стават интересот на граѓаните и државата, пред партискиот интерес и да дадат максимален придонес во борбата против опасниот вирус. Носењето заедничка одлука на партиите за одложување на предвремените парламентарни избори закажани за 12.04.2020 година, на денешната лидерска средба, е вистинскиот чекор.
За ДОМ, грижата и заштитата на здравјето на граѓаните се секогаш врвен приоритет, а особено сега, во услови на пандемија која го потресува целиот свет.
Изборниот процес неминовно би довел до поинтензивни контакти помеѓу граѓаните што е спротивно на мерките и препораките на Светската здравствена организација, нашите експерти и надлежни институции, кои се превземаат со цел спречување на ширењето на вирусот и заштита на здравјето.
Дополнително, одржувањето избори во отсуство на мониторинг мисијата на ОБСЕ и ОДИХР која веќе најави повлекување од Македонија, би можело да предизвика сомнеж во кредибилноста на изборите и недоверба кај граѓаните.
Демократска обнова на Македонија – ДОМ
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија