Додик: На насилството ќе одговориме со отцепување
Претседателот на Република Српска Милорад Додик изјави дека официјална Бања Лука на насилството од Сараево ќе одговори со отцепување од Босна и Херцеговина.
Додик ја даде оваа изјава за „Спутњик“ пред да започне разговорот со рускиот претседател Владимир Путин, како коментар на претходната изјава на командантот на босанската војска, Сафер Халиловиќ, кој се закани со насилство врз Република Српска ако референдумот за Денот на РС биде спроведен, пренесува Танјуг.
- Ние знаеме дека ставот на Халиловиќ, кој се заканува со војна, е став на сите во Сараево, но, зборувам хипотетички, ако се случат какви било потези од тој вид, ние во истиот момент сме надвор од Босна и Херцеговина, порача Додик.
Тој додаде, дека Бања Лука нема намера во ниту еден момент да остане во земјата во која од другата страна пристигнува насилство.
На прашањето да прецизира дали во таква ситуација Република Српска би прогласила насилство и би се отцепила, Додик повтори: Каков било потег од тој вид, ќе не натера да го направиме тоа, и ние ќе се браниме.
Претседателот на РС исто така изрази уверување дека Република Српска е воено способна да се одбрани ако некој ја нападне, а на прашањето дали во таков случај смета на Србија и Русија, тој одговори: Сметам на се, а пред се сметам на нашиот народ.
Ново на Сител
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница
-
Постигнат договор за есенската потрошувачка кошница, ќе се разгледа на следната владина седница
-
Мицкоски: Осумнаесет милиони евра за реконструкција на студентските домови
-
Авион на „Делта ерлајнс“ итно приземјен поради проблеми со притисокот