Додик ќе ја посети Русија

Претседателот на Република Српска, Милорад Додик на почетокот на ноември ќе ја посети Руската Федерација, соопшти денеска шефот на Претставништвото на РС во Москва, Душко Перовиќ.

-Претседателот на РС ќе ја посети Русија на почетокот на ноември, а на крајот на тој месец ќе дојдат и нашите претставници, изјави Перовиќ, пренесува РТРС, повикувајќи се на руски медиуми.

Додик најавил дека ќе ја посети Кина во октомври или ноември, каде што ќе разговара со кинескиот претседател Си Џинпинг.

Тој изрази и надеж дека до крајот на годинава ќе се сретне со рускиот претседател Владимир Путин.