До крајот на годината пристигнуваат уште 27 лесни оклопни возила за Армијата
Набавката на лесните оклопни возила е еден од осумте клучни проекти за вооружување на Армијата, рече министерката за одбрана.
– Договорот е склучен минатата година, а оваа година веќе пристигнаа првите шест лесни оклопни возила. До 2028 година, треба да пристигнат 96 вакви возила, а до крајот на оваа година очекуваме да бидат испорачани уште нови 27 возила од ваков тип. Оклопните возила се веќе дел од арсеналот на Армијата и нашите војници веќе се обучуваат за нивно користење, истакна министерката Петровска во денешното гостување во емисијата „Клик плус“ на ТВ 21.
– Одлуката за американска поддршка во висина од 40 милиони долари за македонската одбрана е приказ за стратешкото партнерство и сојузништво помеѓу Северна Македонија и САД. Оваа поддршка е за нас, но и за безбедноста на сите НАТО земји, зашто сите сме дел од колективната одбрана на Алијансата, рече Петровска.
Министерката за одбрана посочи дека Петровска нашата Армијата е секогаш подготвена да одговори на сите предизвици, додавајќи дека вежбата „Блесок 22“ која се реализираше во април годинава, и оценувањето на лесниот пешадиски баталјон кој беше сертифициран по НАТО стандарди се потврда за тоа.
– Оваа оценка која лесниот пешадиски баталјон ја доби ја отсликува реалната подготвеност на оваа единица, рече Петровска и посочи дека ова претставува најпрактичен пример како се демантираат сите лажни натписи и обвинувања дека нашата Армија е неподготвена и неопремена.
Ново на Сител
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција
-
Претреси во Битола и Македонски Брод, пронајденo оружје и муниција, лишени од слобода две лица
-
Гаши: Значајните историски датуми се потсетник дека треба да дејствуваме заедно во градење современа и просперитетна држава
-
Автобусите на ЈСП ќе сообраќаат по неделен возен ред
-
Претседателката Сиљановска Давкова упати честитка по повод 23 Октомври – Денот на македонската револуционерна борба