Директорот на АХВ Поповски го посети Градскиот пазар во Велес

Директорот на Агенцијата за храна и ветеринарство Зоран Поповски кој денеска беше во работна посета на Велес, се сретна со градоначалникот Славчо Чадиев и направи увид во работењето на Градскиот пазар.

 

На средбата со чадиев стана збор за плановите за изградба на нов затворен градски пазар. Поповски  ги презентира регулативата и прописите кои мора да се исполни за објект од ваков тип.

 

- Сакаме да ги искористиме сознанијата од директорот за точно да знаеме на кој начин и каде треба да се сместат одредени производи, местото, локациите, потребните хигиенски услови. Едно е да се има отворен, а сосема друго затворен градски пазар, рече градоначалникот Чадиев.

 

Директорот Поповски ги ислуша мислењата и предлозите на пазарџиите за подобрување на работењето, но им даде и одредени сугестии и објаснувања за безбедноста на производите.

 

- Храната на пазарот треба да биде безбедна, мора да се следат условите во кои таа се продава и затоа ние реагираме ако забележиме одредени неправилности. Сите знаеме дека во пазарните денови од тука најмногу се купува и најмногу се консумира храната па мораме да бидеме сигурни во исправноста и безбедноста за да бидат сигурни и потрошувачите, истакна Поповски.

 

Според Агенцијата за храна и ветеринарство, градскиот пазар во Велес е еден од најпосетените во земјата и претставува регионален центар за продажба на земјоделски производи во Повардарието и поширокиот регион.