Директорите на полициите на Македонија и на Словенија во прифатниот центар во Гевгелија

Директорите на Бирото за јавна безбедност Горанче Савовски и на словенечката полиција Марјан Фанк денеска го посетија словенечкиот конингент на полициски службеници во прифатниот Центар Винојуг во Гевгелија.

Како што соопшти денеска МВР, Савовски и Фанк се информирале за соработката помеѓу македонските и словенечките колеги,  тековната состојба на границата и протокот на мигранти. Инаку, освен словенечки полицајци во моментот на границата има и 31 полицаец од Унгарија. 

На средбата директорите на Бирото за јавна безбедност Горанче Савовски и на  словенечката полиција Марјан Фанк разговарале и за унапредување на соработката во сите сфери на полициското работење, како и за одржување средба помеѓу сите полициски директори на рутата на движење на мигрантите со цел поефективно и поефикасно справување со мигрантската криза.