Димовски: Подготвени сме ако има договор уште утре да ги тераме следните постапки
Досегашната пракса на работа нa Собранието на Република Македонија во последните 25 години говори дека претседател на Комисијата за избори и именувања секогаш е од најголемата пратеничка група, рече попладнево Илија Димовски од ВМРО-ДПМНЕ по завршувањето на денешната координација во Собранието.
- Претседателското место во Комисијата секогаш без исклучок припаѓа на најголемата пратеничка група. Спремни сме ако има договор уште утре да ги тераме следните постапки и процедури во работата на Собранието, изјави Димовски.
Тој посочи дека во праксата на работата на Собранието имало примери кога за претседател на Собранието бил биран пратеник од втората, третата или четвртата партија по број на пратеници, но никогаш немало претседател на Комисијата за избори и именување од партија со помал број на пратеници.
- Во досегашните 25 години нема исклучок од ова правило, а бројот на пратеници, членови на комисиите не е во милост на една партија спрема друга, туку е одлука на граѓаните врз база на егзактна математика. Соодносот 6:5:1:1 не е заради задоволството на СДСМ да покаже гест, туку е последица на изборните резултати од 11 декември, рече Димовски.
Соодносот, нагласи, ниту беше, ниту може да биде предмет на разговор бидејќи е егзактен и се применува со години наназад.
Ново на Сител
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија