Димковски: Секогаш сме тука за лозарите
Секогаш сме тука за лозарите, истакна денеска министерот за земјоделство, шумарство и водостопанство Трајан Димковски, кој присуствуваше на манифестацијата „Тиквешки гроздобер” во Кавадарци.
– Посакувам добра берба и добар квалитет на грозјето, а од него да се направат добри производи од грозје, нагласи министерот, осврнувајќи се на дел од Законот за винарство, кој веќе е во Собрание, со што ќе се дадат можности лозарите во свои винарии, во домашни услови да произведуваат вино и ракија.
Веќе, посочи, се олеснети околностите околу акцизите кои беа пред два три месеци, Законот помина во Собрание.
– И други програми, пред се програмата за рурален развој со која директно помагаме, и ИПАРД програмата преку која лозарите можат да користат европски пари, се со цел развој на лозарството. Само со инвестиции, со една добра организација, може да очекуваме подобри денови во лозарството и за лозарите, нагласи министерот, честитајќи го празникот и гроздоберот.
Задоволство од соработката изрази и кавадаречкиот градоначалник Митко Јанчев. – „Тиквешки гроздобер” е манифестација која заслужува внимание, како една од најстарите во државата, рече градоначалникот Јанчев и посака бериќет и успех за сите.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите