Димитров се сретна со Борел, наследник на Могерини во ЕК
Шефот на дипломатијата Никола Димитров, кој заедно со министерката за одбрана Радмила Шекеринска учествуваат на 14-от Бледски стратегиски форум, попладнево имаше куса средба со колегата од Шпанија, Жозеп Борел, номиниран за функцијата Висок претставник на ЕУ за надворешна политика и безбедност.
Димитров оствари средба и со премиерот на Словенија Марјан Шарец и со шефот на турската дипломатија МНР Мевљут Чавушоглу.
На маргините на форумот, Димитров и Шекеринска денеска ќе се сретнат и со Метју Палмер, новоименуваниот специјален пратеник на САД за Балканот и со генералниот директор за политички прашања во британскиот Форин Офис, Ричард Мур.
Димитров утре ќе се обрати на панелот насловен „Западен Балкан – европеизација, демократизација, споделена одговорност“, на кој ќе се осврне на европските перспективи на Република Северна Македонија.
Шекеринска, пак, ќе се обрати на панелот насловен „Што следува? – поглед на евроатлантската безбедност, 70 години по Вашингтонскиот договор“.
Бледскиот стратегиски форум секоја година е местото каде што се среќаваат влијателни светски и европски политичари и државници. Форумот претставува една од водечките меѓународни конференции во Централна и Југоисточна Европа.
Годинашното мото на Бледскиот форум е „Ресурси/извори на (не)стабилност“/(Re)sources of (in)stability, а дискусиите ќе бидат посветени на улогата на ресурсите/изворите во контекст на мирот и безбедноста, одржливиот развој и економскиот напредок.
Ново на Сител
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест
-
На западот на Австралија 160 насукани, а 26 угинати китови