ДИК одлучува по приговори од вториот круг на изборите за градоначалник на Дебар
Државната изборна комисија денеска на седница одлучува по приговорите што беа доставени за постапките за гласање и за сумирање и утврдување на резултатите од вториот круг на изборите за градоначалник на Дебар.
Во досегашниот дел од седницата, ДИК ги отфрли приговорите за избирачките места 547 и 547/1 поднесени од Алијансата за Албанците и Алтернатива. Членовите на ДИК оценија дека е неосновано барањето да се поништи гласањето на избирачкото место 547 поради незаконско јавно гласање на еден гласач, кој не влегол во параванот за гласање и гласал пред сите членови на избирачки совет.
– Настанот се случил од 16 до 19 часот, а забелешката во ОИК Дебар е доставена после 23 и 55 часот. Овој приговор е неооснован. Ова не е основа за поништување на избирачкото место. Биле обезбедени сите услови за тајно гласање, а таквото дејствие на гласачот не е основа да се поништи избирачкото место, туку да се поведе прекршочна постапка, рече потпретседатлката на ДИК Дитмире Шеху.
ДИК ја почна расправата и по приговорот што го поднесе коалицијата АА/А за пет избирачки места (0536, 0541, 0545, 0547 и 0547/1) за постапката за сумирање и утврдување на резултати, со образложение дека записниците доставени во ОИК Дебар претпрпеле суштински промени во просторите на ОИК Дебар во присуство само на претседателот на Избирачки одбор – Дебар без присуство на другите членови.
Членот на ДИК Кренар Лога побара комисија да изврши увид на избирачкиот материјал, а до Комисијата да биде доставен и записник од образецот 20 од страна на ОИК.
Седницата ќе продолжи по паузата што ја објави претседателот на ДИК, Александар Даштевски за подготовка за отворање на избирачкиот материјал.
Според првичните резултати на ДИК, кандидатот на ДУИ, Хекуран Дука, во вториот круг од гласањето за градоначалник во Дебар освои 4291 глас, а неговиот противкандидат Беким Поцеста од Алијанса за Албанците и Алтернатива 4153 гласови.
Ново на Сител
-
Паднаа перките на познатата ветерница над клубот „Мулен руж" во Париз
-
Атлетико сака да ја продолжи соработката со Витсел
-
Шведските клубови се изјаснија против ВАР технологија
-
Олимпискиот оган попладневно во Атина ќе им биде предаден на организаторите на ЛОИ „Париз 2024“
-
ЛШ во ракомет: Барселона на чекор до полуфинале
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...
-
ЕК го прогласи веб сајтот за е-трговија „Шејн“ за „многу голема онлајн платформа“