Живот
16. August 2017 - 12:18

Девојка преживеала сама во шума еден месец: Целото тело и било рани, изгубила 22 килограми, а еве како успеала

Лиса Терис (25) од Луивил во Кентаки преживеала нешто помалку од еден месец потполно сама во шума. Како што е наведено, јадела печурки и диви бобинки.

Терис се изгубила во Мидланд во Алабама без облека, телефон и торба, а случајно ја пронашол мотоциклист кој приметил дека нешто се померува во грмушките.

Пред да исчезне била во друштво на две момчиња кои подоцна извршила вооружен грабеж. Таа кажала дека избегала поради тоа што не сакала да биде дел од грабежот.

Шерифот Рејмонд Роџер изјавил дека Терис, која студирала радиологија, избегала ноќта во шума во која се зигубила.

- Вели дека пиела вода од поток, јадела печурки и бобинки. Полна е со рани на целото тело. Не ја испрашувавме многу. Сакавме само да се осигураме дека е здрава и ја префрливме во болница - рекол Роџерс.

Сестрата на изгубената девојка Елизабета изјавила дека нејзиното семејство е среќно што таа е жива.

- Со зборови не можам да ја опишам среќата која ја чувствувам поради тоа што е пронајдена и што ни се врати. Среќни сме што е жива, многу е силна, преживеала што не. Многу е слаба и се ја боли - навела таа.