-->
-->
Детски бадникови поворки во пресрет на Божик
-->

Како дел од прославата на Бадник и Божик утре низ улиците на сите градови во Македонија вторпат ќе се одржи манифестација „Бадникови поворки“ со учество на дечиња кои ќе ја пејат Божиќната песна со што ќе го најават Христовото раѓање.
- На бадинковите поворки во Скопје, каде што ќе биде централната манифестација, како и во останатите градови, е најавено учество на 7.000 дечиња кои ќе ја сочинуваат и најголемата коледарска дружина во Македонија, но и во православниот свет, велат од Здружението за возобновување на православните традиции во Македонија „Бадникови поворки“, организатор на активностите за прославата на Бадник и Божик.
На поворките децата ќе ја пејат божиќната песна и ќе носат божиќни ѕвезди што ја симболизира ѕвездата која ги водела тројцата мудреци до местото каде што бил роден Исус.Ќе носат и специјално украсени пештери на кои е претставено Рождеството Христово. Ѕвездите и божиќните пештери ги изработуваа на работилници организирани за оваа намена каде и ја пееја божиќната песна.
Според најавата, во Скопје бадниковата поворка ќе почне од пред црквата „Пресвета Богородица“ од каде дечињата низ улиците во центарот со божиќната песна ќе го најават Христовото раѓање, по што ќе пристигнат во соборниот храм „Св. Климент Охридски“ каде ќе се приклучат на чествувањето на Бадник.
За годинашното издание на манифестацијата „Бадникови поворки“ е изработен видео спот за божиќната песна „Вечниот Бог“, во изведба на Елена Ристеска, Тамара Тодевска, Викторија Лоба, Влатко Лозановски, Даниел Кајмакоски, Димитар Андоновски, Некст тајм и Златните славејчиња, во продукција на „Веста“.
- Доживејте вистинска Божиќна радост, која ќе ве натера да извикате „Христос се роди“, порачуваат учесниците во спотот.
Бадникарски поворки првпат се одржаа лани во Скопје и во уште неколку градови, со цел да се возобнови древната традиција на правилно празнување на Бадник во духот на православното предание, наместо коледарските посети на домовите и пеење пагански песни.
-->
-->
-->
Ново на Сител
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница
-
Основната плата во државата не може да биде пониска од минималната плата – Независниот синдикат на полицијата утре излегува на протест
-
Трипуновски: Излегуваме во пресрет на земјоделците, ќе ја направиме проценката за да се обноват површините зафатени од невремето
-
Во Скопје синоќа 92 сообраќајни прекршоци, 50 санкционирани возачи на мотоцикл
-
Најмалку 104 лица го загубија животот, а 28 се повредени во поплави во источниот дел на ДР Конго
-
Филков: Со новиот Закон за Судски совет воведуваме јасни критериуми и механизми за одговорност
-
Истрага за сообраќајна несреќа во Чаир во која има едно лице повредено