Детектор: Третина од граѓаните очекуваат датум за старт на преговори во мај – доколку тоа не се случи виновна ќе биде власта
Повеќе од третина од граѓаните сметаат дека Македонија ќе ги почне преговорите со Европската унија во мај оваа година. Најновата анкета која за Детектор ја спроведе Институтот за политички истражувања Скопје покажува дека 36,7% од граѓаните очекуваат датум за преговори во мај, додека 46,3% сметаат дека тоа нема да се случи за 3 месеци.
Доколку нема датум за преговори во мај, 30,3% од анкетираните одговорноста ја лоцираат во власта, а 17,6% во опозицијата. 16,5% вината ја лоцираат кај одредени земји членки а 8,1% на друго место.
Во споредба со слично прашање поставено во анкетата во септември лани, кога се бараше од граѓаните да ја лоцираат вината доколку земјата не добие датум за старт на преговори на самитот во октомври, може да се забележи дека за 6 месеци се намалил бројот на граѓани кои вината ја лоцираат во власта и опозицијата а двојно се зголемил бројот на оние кои сметаат дека за тоа што земјава остана без датум за старт на преговори, виновни се одредени земји членки.
Анкетата на Институтот за политички истражувања Скопје по нарачка на Детектор е спроведена во периодот од 28 до 31 јануари врз репрезентативен примерок од 1083 испитаници.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово