Детектор: Граѓаните со став – ЕУ нема да ни ги реши проблемите во судството, здравството и образованието
За мнозинството граѓани, стартот на преговорите со ЕУ не треба да биде пречка за спроведување на реформите, покажува последната анкета која за Детектор ја спроведе Институтот за политички истражувања Скопје.
Според неа 54% од анкетираните сметат дека реформите може да се спроведуваат без разлика дали Македонија ги почнала преговорите со официјален Брисел додека 19,4% од граѓаните се на ставот дека прво мора да почнеме преговори за да може да се спроведуваат неопходните реформи.
Мнозинството граѓани сметаат дека со стартот на преговорите нема да се решат проблемите кои Македонија ги има во однос на здравството, образованието, судството и останатите области. Ваков став делат 53,7% од анкетираните додека 33,1% се на ставот дека со стартот на преговорите овие проблеми ќе се решат.
И за ова прашање Македонците и етничките Албанци имаат сосема различни ставови. Додека 60,3% од Македонците сметаат дека стартот на преговорите со ЕУ нема да ни ги реши проблемите дури 51,7% од етничките Албанци се убедени во спротивното.
По возрасни групи нема некоја голема разлика во ставовите иако како што расте возраста на испитаниците така расте и нивната убеденост дека со стартот на преговорите во ЕУ нема да се решат проблемите кои Македонија ги има во образованието, судството, здравството и.т.н.
Граѓаните во мнозинство влеат дека се добро запознаени за тоа што треба Македонија да направи за да биде дел од ЕУ. 51,9% од анкетираните велат дека знаат, додека само 28,5% велат дека не знаат кои се условите за Македонија да стане членка на ЕУ. И тука, очекувано, колку што е повисок степенот на образование на анкетираните граѓани толку повеќе информации имаат.
Додека 64,1% од граѓаните со високо образование велат дека ги знаат условите за членство во ЕУ, за 32,9% од оние кои немаат ниту основно образование го дале истиот одговор.
Анкетата на Институтот за политички истражувања Скопје е спроведена телефонски во периодот од 2 до 6 мај, годинава врз репрезентативен примерок од 1112 испитаници.
Ново на Сител
-
Голем дел од тетовско од 03:00 часот ноќеска без струја
-
Семејствата на загинатите Срби во северно Косово ги презедоа телата во Приштина
-
77-годишен струмичанец се обидел да ја силува неговата 64-годишна сосетка
-
Франција го назначи Рене Троказ за специјален пратеник за Западен Балкан
-
Спасени 177 лица од запален траект со мигранти кај Лампедуза
-
Николовски: Лозарите се задоволни од откупната цена, дополнителните субвенции ќе ги добијат пред „Св. Трифун“
-
ЕСМ снабдување со топлина: Потрошувачите, заедниците на сопственици и управителите да проверат дали објектите се подготвени за грејната сезона
-
Трипуновски: Млеко и протеински јогурт со зголемено ниво на амфлатоксин завршило во Македонија, Бабовски да си поднесе оставка