Детектор: Членството во НАТО нема да ни ја забрза европската интеграција
Над половина од граѓаните се убедени дека членството во НАТО нема да го забрза процесот на евроинтеграции, покажуваат резултатите од последното истражување на јавното мислење кое за Детектор го спроведе Институтот за политички истражувања Скопје.
Ваков став делат 52,7% од анкетираните додека 23,9% сметаат дека по влезот во НАТО побрзо ќе се интегрираме и во ЕУ.
Споредбата со анкетата на ИПИС од пред 4 години покажува дека значително се намалил оптимизмот кај граѓаните дека НАТО ќе ни помогне во интеграциите во ЕУ. Ако во 2019 43,3% сметале дека со членството во НАТО побрзо ќе се интегрираме во ЕУ, сега таков став делат само 23,9% за разлика од бројот на оние кои се убедени во спротивното кој од 32,8% во 2019 година за 4 години се зголемил за 52,7%.
Македонците во големо мнозинство од речи си две третини или точно 62,2% сметаат дека НАТО нема да го забрза интегративниот процес за разлика од 54,8% етнички Албанци кои очекуваат по членството во НАТО интеграциите во ЕУ да одат побрзо.
Анкетата на Институтот за политички истражувања Скопје е спроведена телефонски во периодот од 2 до 6 мај, годинава врз репрезентативен примерок од 1112 испитаници
Ново на Сител
-
Инвестирање во капацитети и стручен кадар
-
Преглед на вестите од светот
-
Тема на денот со Горан Минчев, министер за јавна администрација
-
Затворена зоолошката во Скопје, потврден е „птичји грип“
-
Перински: Ќе се кандидирам за градоначалник на Скопје, ако анкетите покажат рејтинг
-
Затворена зоолошката во Скопје, има сомнеж за „птичји грип“
-
Георгиева: Не чека тешка иднина, најпогодени ќе бидат сиромашните
-
Перински: Незаконски е општини да ја финансираат Албанската академија