Десетици бегалци во Хамбург конвертирале од ислам во христијанство

Пасторот Алберт Бабаџан кој што ја водел церемонијата на покрстување и кој во 2016 година покрстил 196 муслимани очекува дека до крајто на годината над 500 муслимански бегалци ќе ја сменат верата во христијанство. 

 

- Мотивот за промена на верата е ист кај многумина, тие се разочарани од исламот, изјави Бабаџан за неделникот „Штерн“. 

 

Дел од познавачите сепак се сомневаат дека разочараност од исламот е единствена причина за конвертирањето. Германските имиграциски власти многу полесно се одлучуваат да дадат азилантски статус на бегалците кои што ќе ја променат верата затоа што евентуалните повратници дома можат да се соочат со прогонство или убиство дококу се вратат во матичните земји.

 

Бабаџан ја отфрла можноста азилантскиот статус да е причина за конвертирањето затоа што тоа според него не е доволно за да се остане во Германија. 

 

Околу 10 проценти од тие што Бабаџан ги конвертирал во христијанство се депортирани во своите матични земји. Покрај опасноста со која се соочуваат депортираните конвертираните муслимани доколку бидат депортирани тие често пати се цел на напади и во сместувалиштата за бегалци во Германија каде лани  имаше десетици  судири меѓу бегалците со различни религии во кои имаше десетина повредени.