Десет сообраќајки во Скопје, повреден пешак
Пешак бил потешко повреден во една од вкупно 10 сообраќајки регистрирани во текот на изминатиот ден на подрачјето на СВР Скопје. Во четири незгоди полесно биле повредени четири лица, а во пет била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Дваесет и осум возачи се движеле со брзина поголема од дозволената, тројца возачи поминале на крстосница на црвено светло и двајца возачи не дале првенство на минување. Од сообраќај биле исклучени 17 возачи: еден возач го управувал возилото под дејство на алкохол, 13 возачи го управувале возилото пред да се стекнат со право на управување на моторно возило и тројца возачи почетници. Од сообраќај биле исклучени и 16 нерегистрирани возила. Санкционирани биле и двајца пешаци кои поминале коловоз вон пешачки премин. Затекнати биле 80 непрописно паркирани возила.
Со помош на специјалното возило пајак, отстранети биле 92 возила.
Денеска Одделението за превенција при СВР Скопје во рамките на сообраќајно воспитниот проект „Да ги заштитиме децата во сообраќајот“ ќе реализира едукативни работилници со ученици од второ и четврто одделение во ПОУ „Ристо Крле“ во Мралино и во Бунарџик кои се наоѓаат на подрачјето на општина Гази Баба.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори