Десет лица повредени во сообраќајки во Скопје
Десет лица се полесно повредени во девет од вкупно 13 сообраќајни несреќи што се случиле во текот на вчерашниот ден на подрачјето на СВР Скопје. Во четири е причинета материјална штета.
Во текот на изминатиот ден полицијата презела казнени мерки поради поголем број прекршоци кај двајца возачи кои ги управувале своите возила под дејство на алкохол поради што се исклучени од сообраќај, кај седум возачи кои поминале на црвено светло на семафорот, како и кај четворица возачи кои ги управувале своите возила по истекот на важноста на сообраќајната дозвола или без возачка дозвола.
Санкционирани се и девет возачи кои не се придржувале кон ограничувањата, забраните и обврските кон поставените сообраќајни знаци, 45 возачи за непрописно паркирани возила, како и шест пешаци кои поминале вон обележан пешачки премин, односно поминале на црвено светло на семафорот за пешаци.
Поради непрописно паркирање со помош на специјалното возило отстранети се 63 возила.
Од СВР Скопје информираат дека денеска Одделението за превенција заедно со „Училишната сообраќајна единица“ ќе превземат превентивни мерки од областа на сообраќајот, пред ТЦ „Рамстор“ на ул „Кирил и Методиј“ на подрачјето на општина „Центар“.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден