Дербито „Дела мадонина“ за Интер

Интер стигна до одлична победа во „Дерби дела мадонина“ кога Мауро Икарди комплетира хет-трик за 3:2 победа над Милан. Интер во дерби што привлече рекорден број фанови на „Сан Сиро“ ја добива големата битка, а Милан сега има три домашни порази и влегува во нова криза.

Во меч со две полувремиња Антонио Кандрева ја погоди пречката и потоа направи асистенција за Икарди да го постигне првиот гол со кој резултат се отиде на полувреме. Во второто полувреме Патрик Кутроне ја смени играта на „росонерите“ и Сусо постигна одличен гол за израмнување.

Икарди го фати Лукас Биља и по додавањето од Иван Перишиќ ја врати предноста на Интер. Бонавентура, по одличното додавање на Рикардо Родригез, го совлада Самир Хандановиќ за израмнување, меѓутоа во финишот на мечот Родригез го собори Данило Д’Амброзио во шестнаесетникот и Икарди остана смирен од белата точка за Интер да стигне до значајна победа.

Интер сега е на второто место со само два поена зад лидерите Наполи со кого се судира веќе следниот викенд.