Денови на македонската книжевност во Хрватска
Делегација од Националната и универзитетска библиотека „Св. Климент Охридски“ – Скопје предводена од директорот Иван К. Заров, денеска и утре ќе престојува во дводневна официјална посета на Националната и универзитетска библиотека во Загреб, Хрватска. Тој ќе се сретне со неговата хрватска колешка Татијана Петриќ, со која ќе присуствуваат и на манифестацијата „Денови на македонската книжевност во Хрватска“.
Оваа манифестација опфаќа репрезентативна изложба на книги преведени од македонски на хрватски јазик во периодот од 1990 до 2015 година со гостување и настап на тројца македонски писатели, и тркалезна маса посветена на преводот и преведувањето, како и на можностите за збогатување на фондот на преведени дела од македонски на хрватски јазик и обратно.
На свеченото отворање на изложбата ќе се обратат директорите на македонската и хрватската национална библиотеки и помошникот министер за култура на Хрватска Владимир Стојсављевиќ.
Македонските писатели Лидија Димковска, Блаже Миневски и Владимир Илиевски ќе читаат извадоци од свои познати дела на македонски јазик со превод на хрватски јазик, а следниот ден ќе учествуваат на трибината за преводот, чиј координатор ќе биде проф. Борислав Павловски. Најавено е учество на повеќе издавачи, книжевни агенти и писатели од Хрватска.
По претставувањето на хрватската книжевност во Скопје во 2014, ова е возвратна манифестација за претставување на македонската книжевност во Хрватска која треба да иницира поинтензивна соработка за меѓусебно приближување и запознавање на книжевностите на соседните земји.
Следната година овој проект продолжува со реципрочна соработка со бугарската Национална библиотека, а потоа и со словенечката, црногорската, босанската, романската...
Основната идеја на овој концепт е дека со конкретна комуникација меѓу книжевностите на земјите од Југоисточна Европа не само што ќе се потврди и поддржи потребата за меѓусебно приближување, размена и превод на врвни книжевни дела, туку ќе се отворат и нови можности за уште поголема културна комуникација на народите од овој дел на Европа.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата