„Ден на Крстот” во Кучково, Скопско

Во организација на општина Ѓорче Петров денеска во село Кучково по десети пат ќе се одржи големиот Општонароден собир „Ден на Крстот”.

Како што најавуваат од општината, и годинава ќе се одржат традиционалните народни спортски игри во дисциплините: тегнење јаже, скок од место, фрлање камен од рамо, трчање со јајце на лажица во уста, сечење на трупци, тегнење со стап.

На игрите ќе учествуваат четири екипи и тоа од општините Илинден и Кисела Вода и две екипи од домаќините.