Демолирано детското игралиште во урбаната заедница „Влае 1“
Од непознати сторители вчера во доцните вечерни часови целосно е демолирано детското игралиште во урбаната заедница „Влае 1“.
Како што соопшти општина Карпош, само пред една недела биле уништени скоро сите реквизити и урбана опрема на детското игралиште во УЗ „Злокуќани“, како и детското игралиште во УЗ „Владо Тасевски“ во близина на Млечниот ресторан и новоотворениот парк во УЗ „Пецо Божиновски-Кочо“.
Во општина Карпош досега се уништени сите 60 детски игралишта. Локалната самоуправа апелира до своите жители да се воздржат од деструктивни акти бидејќи се работи за игралишта и реквизити кои го разубавуваат јавниот простор и каде најмладите заедно со своите родители се дружат и социјализираат.
Општина Карпош поднела пријави против Н.Н. сторител до МВР и очекува решавање на случаите.
Ново на Сител
-
Тема на денот со Алберт Муслиу, политички аналитичар
-
Препорака до осигурителните компании - утре да ги вратат старите цени на полисите
-
За прв пат формирано национално студентско тело: Што во пракса ќе им овозможи на македонските студенти?
-
Партиите испорачуваат барања на ВМРО-ДПМНЕ за владина коалиција
-
Парламентарни избори
-
Претседателски избори
-
ВО ЖИВО: Цени за осигурување на возила
-
Вработените во Фондот за здравство утре на протест