Демократски сојуз на локалните избори оди заедно со СДСМ

Демократски сојуз на Павле Трајанов на претстојните локални избори ќе оди во коалиција со СДСМ. Ваква одлука донесе претседателството на партијата на седницата одржана вчера. 

- Демократскиот сојуз подолго време се подготвува за учество на изборите при што врз основа на темелни анализи, како и програмските определби, одлучи да ја продолжи соработката со СДСМ. Демократскиот сојуз е за отворање перспективи за младите, за европска Македонија и силно се спротивставува на тие што со деструкција и екстремизам се обидуват да печалат политички поени. Демократскиот сојуз е за фер и демократски избори, но и за коренити промени на изборните правила, се вели во соопштението испратено од партијата утрово.

Политичките партии имаат рок до 11 септември да ги поднесат кандидатурите за претстојните локални изброи чиј прв круг е закажан на 17 октомври.