Демант: Македонската полиција гарантира безбедно чествување на 4 февруари, класична лага е дека ќе доаѓале бугарски полицајци
Министерството за внатрешни работи најостро ги демантира лагите изнесени на порталот „Макпрес“ дека за безбедноста во сабота ќе се грижат и бугарски полицајци.
Станува збор за комплетна дезинформација и извртување на факти, имајќи ги предвид соопштенијата кои деновиве, во пресрет на чествувањето на роденденот на Гоце Делчев ги сподели МВР со јавноста, како и неколкуте медиумски гостувања на министерот за внатрешни работи Оливер Спасовски токму на оваа тема, што за еден новинар, кој без да праша, а притоа пласира небулози криејќи се зад потписот „Администратор“ е недозволиво и срамно.
Како што веќе информиравме, македонската полиција постапува самостојно, по претходно изготвен оперативен план и е подготвена во целост, не само за овој настан, туку за сите настани, не само за оваа пригода, туку за сите пригоди, во било какви услови – да направи сѐ за да ги сочува мирот и стабилноста на државата и граѓаните.
Со изнесувањето на овие дезинформации, порталот Макпрес ги доведува во заблуда граѓаните на Република Северна Македонија и наместо да помогне во достоинствено одбележување на роденденот на великанот Делчев, што подразбира ангажирано и одговорно пренесување на проверени информации, а не одработување за нечии деструктивни влијанија со пласирање лаги кои имаат за цел само да наштетат не само на работењето на полицијата како гарант на редот, безбедноста и владеењето на законите, туку и на угледот на државата.
Оттаму, бараме порталот кој ги изнесе овие лаги да го повлече текстот и да се извини, а текстот со овие дезинформации да го повлечат и останатите портали кои без проверка на фактите го ископираа на своите страни.
Ново на Сител
-
Мицкоски: Лидерската завршува со неуспех
-
Велес: Сообраќајка помеѓу автомобил и мотор, тешко повреден е малолетник кој го возел моторот
-
Маж загина во тешка сообраќајка помеѓу мотор и автомобил во валандовско
-
Фатени две малолетнички од тетовско како крадат од продажен објект
-
Грабеж во Стопанска Банка во ТЦ „Беверли“ - влегол со пиштол, наредил да му ги дадат сите пари и избегал
-
Меџити го повика Јовев да му биде национален советник за кардиохирургија
-
Почна лидерската средба, Ковачевски со 3 предлози, Мицкоски со 1
-
Нестабилно со пороен дожд и грмежи и следните денови