Делегација на европратеници во Бугарија за да се запознае со владеењето на правото
Делегација на европратеници и експерти од Европскиот парламент е во Бугарија со цел да се запознае со состојбата со владеењето на правото.
Како што јави дописникот на МИА од Софија, делегацијата се состои од 23 лица, вклучува седум европратеници – по еден од секоја политичка група во Европскиот парламент, а останатите 16 лица се експерти, исто така од Европскиот парламент.
Социјалистите ги претставува Елена Јончева. Сите се членови на Мониторинг групата на Комисијата за граѓански слободи, правда и внатрешни работи во Европскиот парламент.
Шеф на делегацијата е Софија ин’т Велд од „Обнови Европа“, која е и претседател на Мониторинг групата.
Бугарското национално радио јави дека европратениците ќе се сретнат со бугарскиот претседател Румен Радев, преодниот премиер Стефан Јанев, министерот за внатрешни работи Бојко Рашков, министерот за правда Јанаки Стоилов, министерот за култура Велислав Минеков, вицепремиерот за европски фондови Атанас Пеканов, јавниот обвинител Иван Гешев, народниот правобранител Дијана Ковачева и пратениците од последниот состав на Национално собрание, како и со генералниот директор на БНТ Емил Кошлуков и двајца независни бугарски новинари.
Групата ќе одржи состаноци со претставници на невладини организации и ќе посвети посебно внимание на слободата на медиумите.
Пред Бугарија, групата од Европскиот парламент ја посети Словачка, каде што се запозна со темите поврзани со слободата на медиумите и реформата на судството.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп