Дел од учениците во Германија се вратија во училишните клупи
Дел од учениците во Германија почнаа да се враќаат во училниците, јави ДПА.
Училиштата за ученици од повисоките класови во Саксонија, Берлин и Бранденбург се отворија денеска. Другите провинции ќе ги отворат училиштата подоцна во текот на неделата, а некои ќе чекаат до почетокот на мај. Одлуката за продолжување на работата во училиштата ќе зависи целосно од локалните власти.
Делумно отворање на училиштата, кои беа затворени минатиот месец како мерка за стопирање на ширењето на новиот коронавирус, беше договорено од канцеларката Ангела Меркел и премиерите на провинциите.
Тоа почна денеска со враќање на поголемите ученици кои треба да следат строга социјална дистанца додека се во училниците.
Во берлинска гимназија учениците беа со маски и ги дезинфицираа рацете пред да седнат на масите, меѓу кои има повеќе простор од вообичаеното.
Германија се наоѓа на петтото место во светот по број на заразени со Ковид-19, со речиси 142.000 случаи. Сепак, бројот на смртни случаи е релативно мал – 4.404.
Ново на Сител
-
Изет Меџити ќе биде прв заменик претседател на Владата
-
За септември одложен почетокот на повтореното судење за пожарот во модуларната болница во Тетово
-
Се заканувал на странска амбасада - Кривична пријава за прилепчанец
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи