Дел од музичарите излегоа на протест пред Влада

Дел од музичарите излегоа на улица. Незадоволни се од одлуката на Владата да може да се свири на свадби, но не и во останатите угостителски објекти, како што се ресторани, кафулиња, ноќни клубови.

Музичарот Џон Илија Апелгрин рече дека голем дел од семејствата се на работ на егзистенцијата.

Истакнаа дека следниот пат ќе дојдат со децата пред Влада, за да видат надлежните кого оставаат гладни.

Најавија дека ќе продолжат да протестираат, ако надлежните останат глуви на нивните барања. Минатата година предожија и протокот за мали настани за да можат да почнат со работа, но и по една година одговор нема. Поради пандемијата веќе 15 месеци над 1500 музичари немаат настапи.

Елена Милошевска