Данска следен предизвик за македонските одбојкари

Македонските одбојкари дел од планот успешно го реализираа со двата убедливи триумфи од 3-0 над селекцијата на Израел со што се освоени максимални 6 бодови, во рамките од А групата на Европската лига.

 

Сега за избраниците на селекторот Жарко Ристоски престои дво-мечот со Данска и тоа одново во арената Борис Трајковски претстојниот викенд. Данците во Скопје доаѓаат како петто рангирани со 3 освоени бодови. 

 

Тие изминатиот викенд немаа натпревари откако во претходните два, од Полска ги загубија меча пред својата публика со максимални 3-0, а на гостувањето во Израел во првата средба славеа со 3-0, додека во втората беа поразени со ист резултат.

 

На Ристоски и неговите избраници им е јасно дека доколку сакаат да го повторат минатогодишниот успех, односно годинава да се најдат на завршниот „Фајнал-фор’’ турнир, покрај максималните победи над Данска, ќе мора и во празничниот августовски викенд, да имаат 100% успех во дуелот со Австрија.

 

 

 

Македонија – Данска (25 јули - сабота) од 20.15 часот и (26 јули – недела) 17.30 часот

 

Македонија – Австрија (1 август - сабота) од 14 часот и (2 август– недела) 19 часот

 

Полска – Македонија  (7 август - сабота) од 17 часот и (8 август– недела) 17 часот во Калиш

 

Табела: 

1. Естонија 12 бодови (4 натпревари), 

2. Полска 10 (6), 

3. Австрија 8 (4), 

4. Македонија 6 (4), 

5. Данска 3 (4) и 

6. Израел 3 (6)