Далиќ: Заслужено сме во осминафиналето, сега ги чекаме хрватските навивачи
Хрватскиот селектор Златко Далиќ им честиташе на своите фудбалери за пласманот во нокаут фазата на ЕУРО2020, оценувајќи дека „коцкестите“ апсолутно доминирале во синоќешниот триумф од 3:1 над Шкотска во Глазгов.
– Им честитам на моите момчиња на одлично одиграниот натпревар и пласманот во осминафиналето. Овој натпревар беше голем тест, пред сè за мене, а потоа и за сите останатите, да останеме мирни и сталожени, изјави по натпреварот Далиќ.
Хрватска во осминафиналето ќе игра во Копенхаген на 28 јуни од 18 часот, а противникот ќе го дознае денеска. За пласман во четвртфиналето потенцијални противници на Хрватите се репрезентациите на Шведска, Словачка, Шпанија или Полска.
– Не ми е важно кој ќе ни биде следен противник. Тоа што го посакувам за осминафиналето е да имаме голем број hрватски навивачи на трибините. Со нив сме посилни, додаде Далиќ.
Пласман во осминафиналето како првопласирани во групата Д обезбедија Англичаните по триумфот над Чешка од 1:0, а за противник на „Вембли“ во Лондон на 29 јуни од 18 часот ќе ја имаат репрезентацијата која ќе заврши второпласирана во групата Ф, во која се Португалија, Германија, Франција и Унгарија.
Ново на Сител
-
Спречен обид за криумчарење на два тона фалсификат прашак за перење штетен по здравјето на граѓаните и животната средина
-
Одбраната на обезбедувањето тврди дека не постоел план и договор за физичко обезбедување на „Пулс“
-
Општина Бутел сруши дивоградба во Визбегово
-
Измама со лажен несреќен случај, измамена 70-годишна битолчанка за сума од 20.000 евра
-
Град Скопје со предлог - препораки за подобрување на квалитетот на амбиенталниот воздух
-
231 км/ч e најголемата брзина регистрирана од камерите на „Безбеден град“
-
Царина и АХВ потпишаа нов Меморандум за соработка – заеднички против сите обиди за криминал со храна, безбедноста приоритет
-
Во гајба за леб пронајдена кафеава прашкаста материја во „Затвор - Идризово“
