Дабарот Фил предвиде уште шест недели зима
Дабарот Панксатони Фил од градот Панксатони во американската сојузна држава Пенсилванија денеска предвиде уште шест седмици зима.
Секоја година на Денот на дабарот, 2 февруари, луѓето „со нетрпение“ очекуваат глодарот да предвиди колку ќе трае зимата. Луѓето и вчера се собраа кај местото Гоблерс Ноб додека членовите на одбраниот „Внатрешен круг на Панксатони Фил“, составен од мештани, „го повикуваат“ животното да излезе од неговиот трупец в зори за „да соопшти“ дали ја видел својата сенка... Според преданието, ако Фил „ја види својата сенка“, ќе има уште шест недели зима, ако не си ја види, пролетта ќе дојде порано.
Градот Панксатони се наоѓа на околу 105 километри североисточно од Питсбург, а настанот потекнува од германската легенда за влакнестиот глодар, па тоа денес секоја година собира илјадници луѓе во САД.
Националната управа за океани и атмосфера ја спореди прогнозата на Фил со официјалните временски обрасци изминатите 10 години и откри дека „во просек, Фил бил во право 40 отcто од случаите“. Според податоците, од 1887 година досега, Фил ја предвидувал зимата повеќе од 100 пати, а за 10 години не се зачувале податоци, велат организаторите на овој традиционален настан.
Ново на Сител
-
СДСМ: Со изградбата на коридорите 8 и 10 најмалку 600 милиони евра за домашните комапнии
-
Ѓоковиќ стигна до полуфиналето на Ролан Гарос
-
Англиските фанови бараат тикет повеќе за финалето во Прага
-
Младост 96 шампиони на Македонија во пинг понг
-
Припадниците на Армијата ќе учествуваат на воена вежба во Србија
-
Владата го назначи Зоран Трифуновски за нов директор на Железници
-
Полицијата уапси битолчанка - во нејзиниот дом биле пронајдени 96 паковки со марихуана и амфетамин
-
Зеленски: Русија активираше бомба за масовно уништување на животната средина