Д-р Караџовски: Уште сум во болница, но со подобрување

Претседателот на Комисијата за заштита на населението од заразни болести доктор Жарко Караџовски се уште е хоспитализиран на Клиниката за инфективни и фербилни болести во Скопје, откако и тој и сопругата добија позитивни резултати на коронавирусот.

Доктор Караџовски за „Слободен печат“ вели дека има подобрување на неговата здравствена состојба.

-Уште сме во болница, со подобрување, ни рече тој.

Веќе единаесетти ден трае болничкото лекување на лекарот, а како што дознава „Слободен печат“ за неговото лекување немало потреба да вклучи кислородна терапија, туку лекарства.