ЦУК: Од вкупно 13 пожари на отворен простор, активни се четири

На територијата на државата до 18:00 часот има вкупно 13 пожари на отворен простор, од кои активни се четири пожари, еден е под контрола и изгаснати се осум пожари, информираат од Центарот за управување со кризи.
Активни се пожарот во Јасен, во Општина Македонски Брод каде гори мешана шума, во село Церево, во Општина Маврово и Ростуше, каде гори нискостеблеста дабова шума и сеча, како и на Неготинска петља кон атарот на село Чегране, во Општина Гостивар и кај село Светомитрани, во Општина Крушево, каде гори ниска вегетација.
Под контрола е пожарот кај прилепското село Беловодица, место викано Ливада, каде гори букова шума.
Изгаснати се двата пожари во село Средно Коњаре, Општина Петровец, каде гореше ѓубриште и ниска вегетација и ѓубре, потоа пожарот на Перо Наков б.б во Општина Гази Баба (ѓубриште), пожарот кај село Драслајца во Општина Струга (ѓубриште), во село Сараќино, Општина Тетово (ниска вегетација), село Стрмница, Општина Желино (ниска вегетација), село Облешево, во Општина Чишиново Облешево (ниска вегетација) и село Криволак во близина на мостот пред касарна, во Општина Неготино (ниска вегетација и напуштена нива со овоштарник).
МИА
Ново на Сител
-

Повеќе скопски улици во општините Бутел и Гази Баба денеска ќе останат без вода
-

Четворица мртви и десет ранети на семеен собир во Калифорнија
-

Венецуела му одговори на Трамп: Тоа е колонијалистичка закана
-

Белгиски војник загина при воена вежба во Литванија
-

Една година Еврокомисија „Фон дер Лајен 2“: Амбиција за изградба на понезависна, поконкурентна и побезбедна Европа
-

Пpоменливо облачно со сончеви периоди, во утринските часови наместа ќе провејува слаб снег
-

Дејан Митровски: Среќен сум и екстремно задоволен од нашите кикбоксери! Доаѓа нова ера на победи на меѓународно поле во македонскиот кикбокс!
-

Голем успех на Стефан Михајловски – освои сребрен медал на Светското кик бокс првенство
