Црна Гора: Премиерот Кривокапиќ не планира да поднесе оставка
Црногорскиот премиер Здравко Кривокапиќ изјави денеска дека нема да потклекне пред притисокот на лидерите на коалицијата „За иднината на Црна Гора“, чија листа ја предводеше на парламентарните избори, кои бараат од него да се повлече од премиерската функција.
– Преземав обврски и одговорност и нема да потклекнам пред првиот предизвик, изјави Кривокапиќ за подгоричкиот дневен весник Дан, нагласувајќи дека на Црногорците им треба подобар животен стандард, правда и подобра иднина и дека не им требаат лидери кои се откажуваат.
Владата на Црна Гора е во криза откако во Парламентот беше усвоена Резолуцијата за Сребреница, а министерот за правда Владимир Лепосавиќ беше разрешен по предлог на Кривокапиќ поради оспорувањето на геноцидот во Сребреница.
Дел од владејачкото мнозинство, предводено од просрпскиот Демократски фронт, тогаш одлучи да го бојкотира Парламентот, наведувајќи дека нема да поддржи ниту еден предлог на Владата. Во исто време, лидерите на тој политичкиот сојуз, Андрија Мандиќ и Милан Кнежевиќ, кои се блиски до српскиот претседател Александар Вучиќ, го обвинија Кривокапиќ преку медиумите во Црна Гора и Србија за предавство на Србите и Српската православна црква.
Одговарајќи на обвинувањата на лидерите на ДФ дека тој е предавник, Кривокапиќ им порача дека има одговорност само кон народот на Црна Гора, а наскоро ќе се знае што изневерија челниците на ДФ.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ