Челенџ куп: Карпати следен противник на младите „вардарки“

Вардар јуниор ќе игра против украински Карпати во четвртфиналето на Челинџ-купот, реши денешната ждрепка за завршницата во ова натпреварување.

 

Младите вардарки, откако викендов со две победи ја минаа Минаква Војводина и стигнаа до свој историски настап меѓу најдобрите осум, за противник го добија шампионот на Украина од 2012 и 2013 година. Украинките во оваа фаза стигнаа со две убедливи победи против португалскиот Колегио де Гаја, совладувајќи го двапати со по девет голови разлика (23-14, 30-21).

 

Според ждрепката, Вардар јуниор е домаќин на првиот меч, кој според распоредот би се играл на 20 или 21 февруари, додека на реваншот нашите ракометарки ќе гостуваат една недела подоцна, на 27 или 28 февруари