Чеферин му го честита изборот на Омерагиќ за претседател на ФФМ
Претседателот на Европската фудбалска федерација (УЕФА), Александар Чеферин му го честиташе денеска изборот на Масар Омерагиќ за нов претседател на Фудбалската федерација на Македонија (ФФМ).
Поранешниот фудбалер на Слога Југомагнат и Вардар, и долгогодишен спортски работник, 51-годишниот Омерагиќ во неделата беше избран со акламација за прв човек на македонскиот фудбал, наследувајќи го Муамед Сејдини.
Потенцирајќи дека оваа година се одбележуваат 30 години од членството на ФФМ во УЕФА, Чеферин во писмото до Омерагиќ посочи дека ФФМ изминатите три децении „сработи многу во градењето и развојот на фудбалот‘ и изрази уверување дека новото раководство ќе продолжи со напредокот.
„Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата федерација и вашата држава го заслужуваат“, порача Чеферин во писмото до Омерагиќ.
Ново на Сител
-
Пронајдено 14-годишното девојче кое беше пријавено за исчезнато
-
Тошковски за случувањата со Арсовска: Ова што го гледа македонската јавност е циркус пред локални избори, да беше во првата година ќе беше за поздрав
-
Сиљановска Давкова: Извонреден е Договорот со Обединетото Кралство, не факторизира геополитички на Балканот
-
СВР Скопје поднесе пријава за нелегален приклучок од фекална во атмосферска канализација на бул.„Словенија“
-
Штеки цигари сокриени во цевка за црево на цистерна на Богородица
-
Поминал со возило но не се заканувал, се расчистува случајот со заканите кон Арсовска
-
Тошковски: Прашањето е како е донесена одлука од Судот да се врати патната исправа на Јахоски, а не зошто МВР постапило согласно судска одлука
-
Кос: Бугарија и Северна Македонија треба да разговараат и да најдат решение за билатералното прашање
