Чарли Шин потврди: Јас сум ХИВ позитивен
Овде сум да признам дека сум ХИВ позитивен. Морам да ги запрам овие напади, изјави американскиот актер Чарли Шин во денешното интервју за „Тудеј“,додавајќи дека оделните гласини кои се слушале минатите денови немаат врска со вистината.
Тој рече дека дијагнозата ја добил пред четири години.
- Почна со чести главоболки, големи мигрени и неконтролирано потење. Дури бев и хоспитализиран. Мислев дека имам тумор на мозокот, мислев дека е готово. Кога ги спроведоа тестовите ми кажаа за што се работи. Тие три букви е тешко да се прифатат. Тоа е пресвртница во животот, изјави Шин.
Новинарот побара појаснување за тоа како ја чувал оваа тајна четири години, со оглед на тоа што дознал дека луѓе кои ја знаеле тајната на Шин му барале пари за да не кажуваат.
- Да, им плаќав. Не толку многу, но сепак доволно. Не знам точно колку луѓе ми бараа пари, но вкупно дадов милиони. Она што луѓето забораваат е дека така земаат пари и од моите деца. Мислат дека тоа сум само јас, а имам пет деца и внука, рече американскиот актер.
Во писмото кое вчера Чарли го испрати до редакцијата на „Тудеј“ рече дека „бирал и ангажирал придружнички со сомнителен морал“. - Без оглед на нивната репутација секогаш користев кондоми и бев отворен за својата дијагноза. За жал тие ја продадоа мојата искреност, рече тој.
Чарли раскажа и дека многу проститутки кои ги ангажирал после сексот оделе во неговата бања и ги фотографирале лековите кои ги зема поради својата дијагноза а подоцна со нив го уценувале.
На почетокот на месецот radar.com објави гласини дека неименуван актер е ХИВ позитивен и дека тој имал сексуални односи со многу холивудски ѕвезди, водителки и други јавни личности. Се шпекулираше дека тој намерно ги заразувал со ХИВ вирус по што се појави своевидна паника во Холивуд, но актерот денеска ги демантираше таквите гласини.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка