Бугарското обвинителство побара одземање на имунитетот на пратеник на владејачката партија
Јавниот обвинител на Бугарија, Сотир Цацаров денеска побара од бугарското Народно собрание да му го укине пратеничкиот имунитет на пратеникот Иван Миховски, кој е член на владејачката партија Граѓани за европски развој на Бугарија (ГЕРБ) на премиерот Бојко Борисов, јави БТА.
Како што соопшти бугарското Јавно обвинителство, барањето е поднесено врз основа на обвинението против Миховски за „нанесување средна телесна повреда од невнимание при сообраќајна несреќа“.
Според обвинтелниот акт, Миховски на 2 октомври 2015 година движејќи се со неприлагодена брзина со својот автомобил удрил во пешак во местото Тројан.
При несреќата пешакот се здобил со фрактура и средна телесна повреда, која довела до трајно отежнато движење на неговите долни екстремитети во период од три до четири месеци.
Веднаш по несреќата, Миховски бил подложен на алкотест кој покажал присуство на 0,48 промили алкохол во неговата крв.
Ново на Сител
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе