Бугарските пратеници и министри се откажаа од платите за време на вонредната состјоба
Дебатата за висината на пратеничките плати за време на вонредната состојба во Бугарија, на денешната парламентарна расправа доби целосен пресврт, откако пратениците на владеачката партија ГЕРБ изненадувачки се откажаа од претходната идеја нивните плати да бидат „замрзнати“ и поднесоа предлог целосно да се откажат од нив до крајот на вонредната состојба, пренесе БГНЕС.
На овој начин на народните претставници и натаму ќе им се плаќа осигурувањето, но додека не се укине вонредната состојба во земјата, прогласена на 13 март, целата нивна плата ќе биде префрлана на сметката на Министерството за здравство, за државата да ги користи во борбата против ширењето на Ковид-19.
Освен за пратениците, оваа најнова мерка ќе важи и за министрите и нивните политички кабинети, како и за претседателите на државните и извршните агенции.
Идејата пратениците да го подаруваат своите плати наиде на широко одобрување меѓу останатите политички партии во земјата.
-Горд сум на оваа одлука, искоментира лидерот на „Волја“ Веселин Марешки, кој претходно денеска инсистираше пратеничката плата да се изедначи со минималната плата во земјата, што во моментов изнесува 610 лева.
Борис Јачев од „Обединети патриоти“, исто така, изрази задоволство од одлуката на коалициските партнери.
-Задовелен сум и горд што сум дел од овој парламент, рече тој од говорницата.
Ново на Сител
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик