Буџетски форум во општина Илинден

Во средното општинско стручно училиште „Илинден“, општина Илинден, денеска ќе се одржи Шестата форумска сесија од програмата „Форуми во заедницата“ - Буџетски форум во општина Илинден.

На дневен ред е евалуацијата на целиот форумски процес, информацијата за активностите при реализацијата на предлозите, препораките и проектите, нивното спроведување, како и информацијата за реализацијата на Буџетот во 2015 година.

Општина Илинден преку спроведување на Буџетски форум со партиципативно учество на граѓаните, транспарентно го изготви буџетот на Општината за 2015 година, во рамките на програмата „Форуми во заедницата“ што се реализира во соработка со Швајцарската агенција за соработка и развој и ЗЕЛС.