Британската кралска палата ќе соработува со полицијата за врската меѓу Ендрју и Епстин

Британската кралска палата е подготвена да ѝ помогне на полицијата доколку биде контактирана за врските на поранешниот принц Ендрју со покојниот американски финансиер и сексуален престапник Џефри Епстин, изјави портпаролот на палатата.

Кралот Чарлс јасно ја искажа својата „длабока загриженост“ за обвинувањата што продолжуваат да се појавуваат за однесувањето на неговиот брат Ендрју, изјави портпаролот на палатата.

„Иако конкретните обвинувања за кои станува збор се прашање за Маунтбатен-Виндзор, доколку не исконтактира полицијата од регионот Thames Valley, ние сме подготвени да им помогнеме“, изјави портпаролот за медиумите.

Полицијата во регионот Thames Valley соопшти дека истражува тврдење во кое се вклучени жена која била донесена во резиденцијата на Ендрју, како и документи што наводно биле споделени со Епстин.

Братот на кралот го користи семејното презиме Маунтбатен-Виндзор откако кралот во текот на минатата година му ја одзеде титулата принц поради претходните откритија за неговата врска со Епстин.