Британија и Франција заедно против онлајн радикализација

Британија и Франција објавија заедничка акција со која планираат силно ангажирање во спречување на онлајн радикализмот, односно чија цел е да се запре „интернет да биде безбедно место за терористите“.

Соработката, откриена пред разговорите за борбата против тероризмот меѓу британската премиерка Тереза Меј и францускиот претседател Емануел Макрон, вклучува истражување можности за создавање нова правна одговорност за ИТ компании доколку не успеат да ги поништат содржините.

– Обединети сме во целосна осуда против тероризмот и нашата посветеност да го сузбиеме тоа зло, изјави Меј пред денешниот состанок.

Меј побара од ИТ компаниите да направат повеќе за спречување на ширење терористички содржини на интернет, но ИТ експерти се прашуваат кои регулации би требало да се потпишат бидејќи британските закони се меѓу најстрогите. Еден од тие закони дозволува властите да имаат увид во евиденција на прегледите на интернет на сите во државата.