Бошњаковски: Кадровските промени ќе бидат соопштени по проверката на документацијата
Имињата на лицата за предвидените кадровски промени во институциите, надзорните и управните одбори не можат да бидат јавни се додека владината Комисија за кадровски прашања не ја провери нивната документација и не утврди дека ги исполнуваат потребните услови, рече денеска портпаролот на Владата Миле Бошњаковски.
Одговорајќи на новинарски прашања, Бошњаковски информира дека Владата на вчерашната седница ги усвои сите кадровски предлози и заклучи да именува членови на управни и надзорни одбори во установи, агенции и други органи кои се во нејзина надлежност.
- Комисијата за кадровските прашања на Владата за секое од овие лица поединечно ја проверува содржината на поднесената документација за да потврди дали се исполнуваат условите за именување. Соодветно на фактите, кога тоа ќе биде проверено, решенијата ќе бидат доставени до Службен весник, истакна портпаролот.
Според него, имињата ќе бидат соопштени во истиот момент кога таа работа ќе биде завршена, а се очекува во скоро време.
Ново на Сител
-
Трамп објави трговски договор со Јапонија, вклучувајќи царини од 15 проценти
-
Руските сили го нападнаа Криви Рих, погодени неколку места, избувнаа пожари
-
Спречен уште еден обид за подметнување шумски пожар, вели Ангелов
-
Скопскиот водовод со намален притисок и прекини на вода, апел за рационално користење
-
Пет активни пожари утрово во земјата
-
Во Собранието амандманска расправа за законите за внатрешни работи и за полиција
-
Во Русија се блокирани повеќе од 50.000 веб-страници, соопшти руски министер
-
Дневните температури над 40 степени, Владата со препораки за топлото време