Борел: Мораме да го врземе Западниот Балкан за ЕУ
Високиот претставник на ЕУ за надворешни работи и безбедносна политика Жозеп Борел вели дека приоритет на неговата работа на чело на европската дипломатија ќе биде приближување на Западниот Балкан кон Унијата, како и постигнување договор во дијалогот меѓу Белград и Приштина.
– На прво место мораме цврсто да го врземе Западниот Балкан за Европската Унија, наведува Борел во писмо упатено до министрите за надворешни работи и за одбрана на земјите членки на Европската унија пред првото заседание на Советот за општи работи на ЕУ под негово претседавање.
Во писмото во кое ги изнесува своите видувања за приоритетите и начините на работа поврзани со надворешната и безбедносна политика на Унијата, Борел наведува дека „непосредното соседство“ треба да биде еден од приоритетите на ЕУ.
– Запирањето на конфликтите и излекувањето на раните во непосредното опкружување е важно и за стабилноста и безбедноста на самата ЕУ, смета Борел.
Тој напоменува дека е важно земјите членки на ЕУ да се договорат како ќе го водат процесот на проширување, додавајќи дека за ова прашање ќе работи заедно со министрите за надворешни работи и со комесарот за проширување Оливер Вархеји.
Во делот за „непосредното соседство на ЕУ“, Борел посочува и дека покрај на проширувањето, ќе се посвети и на постигнување „сеопфатен договор меѓу Србија и Косово, како и на поставување на Босна и Херцеговина на патот кон вистинска стабилност“.
Ново на Сител
-
Муцунски: Генерален конзулат во Корча - затоа што грижата за Македонците во Албанија се мери со дела
-
Од 1 септември нови мерки најавува Вучиќ „за луѓето, особено за средната класа и посиромашни“
-
Донесен законот со кој учениците од верските училишта ќе можат да полагаат државна матура и да се запишуваат на универзитетите
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица
-
Ангелов: Во тек е административна селекција на пријавените кандидати за пожарникари