Боки 13 со кривични пријави ќе гони државни функционери

Бојан Јовановски денеска продолжи со поднесувањето кривични пријави во обвинителството. Преку соопштение на осум страници напишано рачно, Јовановски информира дека пријавите се однесуваат на носители на јавни функции, членови на нивни семејства, бизнисмени.

Во соопштението наведува дека станува збор за околу 40-тина лица, кои според пријавите треба да одговараат за злоупотреба на службена положба, измама, давање лажен исказ.

Адвокатот на Јовановски, Сашко Дуковски рече дека очекува по целосно документирање на случаите, Обвинителството да отвори предмети за поднесените кривични пријави.

Зоран Јаневски