Богдановиќ за Сител: Инспекторите беа на Водно, утре финално ќе се знае што се гради
Не станува збор за никаква конкретна градба, бидејќи таму не е затекнато работење, односно поставување на темели, ископи на градежни јами туку тоа било само нивелирање односно рамнење на терен. Вака градоначалникот на Општина Центар, Саша Богдановиќ ги коментира работните активности на Водно кои ги затекна и обелодени екипата на Сител.
- Сепак станува збор за доста парцели кои се приватни имоти. До утрешниот ден треба да ни ги достават сите активности кои ги имаат таму. Бидејќи на голем дел од местата каде што се посочени се наоѓаат приватни парцели коишто се земјоделско обработливо земјиште, вели Богдановиќ во своето интервју во Дневникот на Сител ТВ.
Градоначалникот во заминување на Општина Центар вели дека доколку се востанови прекршување на која било процедура, односно правење на нешто спротивно на законот ќе си добијат соодветни решенија и постапки, а ако станува збор за планско и непланско градење спротивно на законот ќе си добијат соодветна кривична пријава.
- Ние од тоа што го затекнавме на терен, имаше рамнење на терен и немаше отстранување на зеленило, дрва итн. но сепак побаравме од сопственикот на земјиштето да дојде утре да ја достави целата документација со што ќе бидеме запознаени кои се плановите и активностите, вели Богдановиќ.
Тој додава дека во тој дел има многу приватни парцели кои се земјоделско обработливо земјиште.
- Морам да предупредам дека има многу приватни парцели кои се земјоделско обработливо земјиште, лозја. Можеби станува нешто во тој дел да се работи, но сепак како инспекција проверивме на лице место дека нема градежни активности, така што утре ќе ја дознаеме целата вистина, додава Богдановиќ.
Информација дека на тоа место ќе се гради кафуле Богдановиќ ја коментира дека таму е вонградежна линија каде не е дозволено никакво градење.
- Локацијата каде што имало движење на одредена механизација, таму е вон градежна линија, значи вон детален урбанистички план и вон генерален урбанистички план. Што значи, по никој основ не може да се гради било каков објект. Ништо не смее да се гради, рече Богдановиќ.
Богдановиќ најави соодветни пријави доколку се забележат градежни активности.
- Доколку видиме една лопата да се стави каков било градежен материјал тогаш ќе се донесе соодветна пријава, рече Богдановиќ.
Додава дека по нивни сознанија станува збор за приватна парцела и земјоделско обработливо земјиште.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп