Битолчани едногласни: Доста е, избори за крај на кризата

Илјадници битолчани излегоа на плоштадот Магнолија и дадоа поддршка на иницијативата на Граѓанското движење за одбрана на Македонија.

Граѓаните едногласно велат дека изборите се единственото решение за надминување на кризата чија сериозност и се заканува на државата и претставува кочница за напредокот на Македонија.

Бројот на граѓани во Битола од минута во минута е се поголем, а најавено е дека маршот од „Магнолија“ ќе продолжи на Широк сокак, па пред штабот на СДСМ.

Од ГДОМ повикаа на силен одзив на граѓаните против деструктивните сценарија спроведувани од опозицијата, рушењето на волјата на народот и одбрана на државата и институциите.

Покрај во Битола, масовни собири вечерва има и во Велес и Штип.