Битолчанец преживеал хорор: За наводен долг од 6.000 денари го киднапирале и тепале тројца негови сограѓани

СВР Битола поднесе кривична пријава против Т.M.(41), В.М.(21) и О.М.(37) сите од Битола, поради постоење основи на сомнение за сторено кривично дело “грабнување“ и “разбојништво“.

 

Пријавените на 09.07.2017 година, пред железничката станица во Битола, физички го нападнале Н.Б.(31) од Битола, по што насилно го ставиле во патничко моторно возило “Ауди А4“, со цел да го соочат со Ш.Ш.(22) кон кој имал наводен долг од 6.000 денари, а со закана со пиштол, му одзеле и два мобилни телефони, причинувајќи му материјална штета од 25.000 денари.